Jetzt is ma des wirklich scho wieda passiert
So long hob I glaubt, dass diesmoi ondas wird
Auf amoi hot des ongfongan
Und I hob mi distanziert
Auf amoi bist ma fern wordn
Hob des wieda moi ned kommuniziert

Es duad ma 1000 moi lad, bitte glaub ma des
Wenn I heite in Spiagl schau, siag I an der’s wieda verhaut

Wenn I zruck schau, wird ma kloa, wia sche dass woa
I woit mit dir a longe Zeit bis zum Ende bleiben
Mei Glaube on uns zwoa
Woa so long so kloa
Auf amoi wor a fuat
I versteh ned wieso des so woa

Es duad ma 1000 moi lad, bitte glaub ma des
Wenn I heite in Spiagl schau, siag I an der’s wieda verhaut

Des Leben ruaft mi grod gonz wo ondas hi
Des Leben sogt ma grod „jetzt oda nie“
Wo des is was I ned, nur allanig griag I des raus
Wieso des so is was I ned
Vielleicht kummt des mit der Zeit

Es duad ma 1000 moi lad, bitte glaub ma des
Wenn I heite in Spiagl schau, siag I an der noch vuan schaut