"Se stanòcc vù in Paradiis
Mi devi ringraziat par ul tò suriis
E va innanz a durmì
Che tòrni gio e sa séti visin a ti
Ma un angiar se l'è?
L'è un boff da memoria
Denta ul vent di tò pensee
Ma dumà se stanòcc vù in Paradiis

Se stanòcc vù in Paradiis
Lassa mia bòrlà una lacrima sura ul tò viis
E se riessat mia a durmì
Ciama ul mè nom e sübit sarù chi
E ga pensarù me
A bofà via l'aria
Da tristeza che hu lassaa a drè
Ma dumà se stanòcc,
E al su gnanca se stanòcc,
Ma dumà se stanòcc vù in Paradiis"

E pö lee la ma diis:
"Ma chi è che ta vöör sü in Paradiis?
E mocala da cüntà ball
Gh'è mia ul Paradiis dopu ul füneral!
Però se ta veet via
L'è 'na bèla storia
Tanti saluti e così sia…
E duman chì al sarà
Speri che chì al sarà
E duman chì al sarà un Paradiis…
Ma dumà se ta veet in Paradiis…"